વળી મારા વિશે…

સરસ મજાની વાત છે. મારા બ્લૉગ પર જેને સૌથી વધારે હિટ્સ મળે છે એ પાનું છે: મારા વિશે થોડું.

એટલે મને થયું કે ચાલો, મારા વિશે થોડું લખ્યા પછી હવે મારા વિશે થોડું વધારે લખું.

૧૯૯૫થી આજ સુધીમાં હું જે અખબારો, સામયિકો, વૅબસાઈટસ સાથે સંકળાયો અને જેમના માટે મેં લખ્યું / કામ કર્યું એમનાં નામ આ રહ્યાં:

અભિયાન જૂથ (જેમાં હું સમાંતર પ્રવાહ નામના, જે હવે બંધ છે એ સાંધ્યદૈનિક માટે લખતો) * મુંબઈ સમાચાર * ગુજરાત સમાચાર * ધ ઍશિયન ઍજ * ગુજરાતી મિડ-ડે (જેમાં મેં કચ્છના ગોઝારા ભૂકંપ પછી પ્રસિદ્ધ થયેલી વિશેષ પૂર્તિમાં ખાસ્સા લેખ લખેલા) * ક્મ્પ્લિટ સિનેમા * યૉર ટાઈમવૅલ્યુ અને ફુલ ટૅન્શન (ક્રૉસવર્ડ/પઝલ્સનાં સામયિક જેમાં મેં તંત્રીની જવાબદારી નિભાવી હતી) * હૉટલાઈન (સુરતથી પ્રકાશિત થનારું વિક્રમભાઈ વકીલનું સામયિક) * નવું સુલેખન (કોલકાતાથી પ્રકાશિત થનારું સામયિક) * ટીનસ્ટૅશન ડૉટ કૉમ * ૧૨૩ઈન્ડિયા ડૉટ કૉમ * મુંબઈથિયૅટરગાઈડ ડૉટ કૉમ * બૉલિવિસ્ટા ડૉટ કૉમ *

૨૦૦૩થી અત્યાર સુધીમાં મેં લખેલાં ગુજરાતી નાટકો આ રહ્યાં:

લગનગાડું ચાલે આડું *  ૠતુનો રિતિક * તારે મન હું મારે મન તું * સંગ તને છે રંગ * આપણા જ ઘરમાં નૉ ઍન્ટ્રી * ફાધર મારા ગૉડફાધર (જેમાં હું હરીન ઠાકર સાથે સહલેખક હતો) * તો લાગી શરત * રાજા વાજા ને વરરાજા * એકબીજાના ફિફ્ટી ફિફ્ટી * ધુમ્મસની પેલે પાર * અમે મસ્તીના મતવાલા * રામ રાખે તેમ (જે એકોક્તિ છે અને સાત તરી એકવીસની સાત એકોક્તિઓમાંની એક છે)

અને આ છે મારાં હિન્દી નાટકો:

કુછ તુમ કહો કુછ હમ કહે (સ્મૄતિ ઈરાની, અપરા મહેતા અભિનિત) * મુઝે રંગ દે (આયેશા જુલ્કા, દિવ્યા દત્તા, અનંત મહાદેવન અભિનિત અને અનંત મહાદેવન દિગ્દર્શિત) * ધૂંદ કે ઉસ પાર (હોમી વાડિયા દિગ્દર્શિત) *

જે ગુજરાતી સિરિયલ્સ માટે મે પટકથા કે સંવાદ લખ્યા એ આ રહી:

આશા * કોરી આંખે ભીનાં સપનાં * શુભ લાભ

અને આ છે હિન્દી સિરિયલ:

થોડી ખુશી થોડે ગમ

હવે જરા એનાથી આગળ વધીએ, બીજી વાત કરીએ:

વીસેક વરસથી હું નિરંતરપણે કલાક્ષેત્ર સાથે સંકળાયો છું. પંદરેક વરસથી પત્રકારત્વ સાથે અને નવેક વરસથી ઍન્ટેરટેનમૅન્ટ ઈન્ડસ્ટ્રી સાથે. પત્રકાર, લેખક, કવિ, વિચારક સાથે હું સંચાલક પણ છું. જાણીતા ઑર્કૅસ્ટ્રા વૉલ્કેનો સાથે ૯ જે પહેલાં યંદ સૅટેલાઈટ્સના નામે ઓળખાતો) હું દસેક વરસથી સંકળાયેલો છું, જેમાં હું મુખ્યત્ત્વે મૅનેજમૅન્ટમાં સાથ આપવા ઉપરાંત ઍન્કરિંગ સંભાળું છું.

આમ તો હજી ઘણું લખવું છે પણ હું લખું અને તમે વાચો એમાં એકાદ બ્રૅક હોય તો મજા આવશે. તો… ફરી મળીએ. હાલ માટે, આવજો!