કાલે સવાર નહીં પડે…..

આ રાત ચાલતી રહે?

કેવી તો લાગણી હતી

એ લાગણી મરી જશે?

હું જિંદગી જીવ્યો નથી…

ને જિંદગી પતી જશે?

કોને ખબર કેવી હતી

ઈચ્છાઓ ચાલતી થશે?

હું રોજ છું હું મોજ છું

ને મોજ મુશ્કેલી હશે?

દીકરો મને ચાહે બહુ

પીડા એ બાપની હશે?

મારેય એક બાપ છે

એ દીકરો નહીં કળે?

અઢળક છે વાત ગાજતી

એકેય લો ગમતી નથી

ને તે છતાં બોલ્યા કરું

મારા જ શબ્દ હું નથી?

હાશ લ્યો આ શ્વાસનો

ખેલો પત્યો, બાજી મળે?

- સંજય વિ. શાહ ‘શર્મિલ’